«Տիգրանաշենի հարցով քննարկումներ կան․ ԱԺ-ում և ԱԺ-ից դուրս խոսվում է Ադրբեջանի հերթական պարտադրանքի, նաև Տիգրանաշենի զիջման մասին, և եթե կան քննարկումներ, ապա, կարծում եմ, ընդդիմությունը նաև որոշակի քայլեր ունի, որոնք ծրագրային կլինեն հետագա աշխատանքի համար, որպեսզի թույլ չտան Տիգրանաշենը Հայաստանից վերցնեն»,- «24Նյուզ»-ի հետ զրույցում նշեց ՀՀ պաշտպանության նախկին նախարար, ԱԺ նախկին պատգամավոր Սեյրան Օհանյանը՝ հավելելով, որ դրա համար հնարավորոթյուններ կան, ընդդիմությունը պետք է համախմբվի։
«Երբ որ ՀՀ-ն ու Արցախը անկախացել են, Ալմա Աթայի հռչակագրում որևէ խոսք չի եղել անկլավների մասին․․․ Ադրբեջանի ճնշումների ներքո է այսօր Նիկոլ Փաշինյանը խոսում Տիգրանաշենի մասին, բայց խելացի կառավարման արդյուքում Տիգրանաշենի հարցը դուրս պետք է գար, սահմանազատման հանձնաժողովի կանոնակարգը ճիշտ պետք է գծվեր․․․ Ոչ կոմպետենտ, անգրագետ և ոչ ադեկվատ իշխանության գործունեության հետևանքով ունեցել ենք ձախողումներ․․․ Ծանրաձողը գցել են իրենց ոտքին, հիմա մաքրագրումներ են անում ու բոլորին մեղավոր կարգում»,- հավելեց Օհանյանը։