Ռուսիոյ նախագահի օգնական Եուրի Ուշաքով յայտարարեց. «Ռուսիոյ նախագահ Վլատիմիր Փութին հեռաձայնային անկեղծ ու շինիչ բանակցութիւններ վարեց Միացեալ Նահանգներու նախագահ Տանըլտ Թրամփի հետ»:
«Փութինն ու Թրամփը ամերիկացի պատուիրակներ Սթիւ Ուիթքոֆի եւ Ճարետ Քուշների Մոսկուա եւ Քիեւ այցելութեան շուրջ տեսակէտներու փոխանակում կատարեցին», ըսաւ ան:
«Ուիթքոֆի եւ Քուշների Մոսկուա եւ Քիեւ այցելութեան արդիւնքը Փութինի եւ Թրամփի կողմէ դրական գնահատուեցաւ», աւելցուց Ռուսիոյ նախագահի օգնականը:
«Փութինի եւ Թրամփի զրոյցը կեդրոնացաւ ուքրանական տագնապի կարգաւորման վրայ, եւ Թրամփ հետաքրքրուած է իր նախագահական նստաշրջանի ընթացքին ուքրանական հակամարտութեան կարգաւորման մէջ բեկում յառաջացնելով», նշեց Ուշաքով: