Ճատրակի միջազգային ֆետերասիոնին Սեպտեմբեր ամսուան ընդհանուր դասաւորման Հայաստան ունի 7 վարպետներ:
Ըստ «Արմէնփրես»-ի, տղոց դասաւորման մէջ ընդգրկուած են Հայկ Մարտիրոսեան (50-րդ դիրք), Ռոպերթ Յովհաննիսեան (77-րդ դիրք), Արամ Յակոբեան (80-րդ դիրք) եւ Շանթ Սարգսեան (95-րդ դիրք): Տղոց առաջին դիրքին վրայ կը մնայ նորվեկիացի վարպետ Մակնուս Քարլսեն:
Աղջկանց դասաւորման մէջ, Հայաստան ունի 3 ներկայացուցիչ` Էլինա Դանիէլեան (61-րդ), Մարիամ Մկրտչեան (67-րդ) եւ Լիլիթ Մկրտչեան (88-րդ): Աղջկանց առաջին դիրքին վրայ կը մնայ Չինաստանի Հու Եիֆան:
Հայաստանի ճատրակի տղոց հաւաքականի նախկին լաւագոյն ներկայացուցիչը` Լեւոն Արոնեան, որ այժմ կը մասնակցի Միացեալ Նահանգներու դրօշին տակ, կը գրաւէ 20-րդ դիրքը: