Պասքեթպոլ. Լիբանան` Լաւագոյն Արաբական Խումբը

ՖԻՊԱ-ն սեպտեմբեր ամսուան սկիզբը հրապարակեց պասքեթպոլի ազգային խումբերու դասաւորումը:

Միացեալ Նահանգներ անշուշտ մնացին առաջին դիրքին վրայ, իսկ Գերմանիա` 2-րդ դիրքին վրայ:

Ֆրանսա 4-րդ դիրքէն բարձրացաւ 3-րդ` իր նախկին դիրքը փոխանակուելով Սերպիոյ հետ:

Քանատա մնաց 5-րդ դիրքին վրայ, մինչ Սպանիա, Աւստրալիա եւ Արժանթին մնացին իրենց նախկին դիրքերուն վրայ` 5-րդէն 8-րդ:

Թուրքիա 11-րդ դիրքէն բարձրացաւ 9-րդի, մինչ Լիթուանիա ամբողջացուց լաւագոյն 10-ն:

Արաբական երկիրներուն մէջ Լիբանան գրաւեց առաջին դիրքը` իր ետին ձգելով Յորդանանն ու Եգիպտոսը: Լիբանան աշխարհի դասաւորման 33-րդ դիրքը կը գրաւէ: Ան կորսնցուց երկու դիրք` Մոնտիալի զտումի մրցումներուն գծով պարտութիւն կրելէ ետք Չինաստանէն (89-87):

Թունուզ գրաւեց 4-րդ դիրքը` գերազանցելով Սէուտական Արաբիան (5-րդ)` Սուրիան (6-րդ) եւ Քաթարը (7-րդ):

Պահրէյն (8-րդ), Իրաք եւ Լիպիա ամբողջացուցին արաբակւան երկիրներու լաւագոյն 10-ն: