Հայաստանի անդամակցությունը Եվրամիությանը Երևանի գործն է և նրա ինքնիշխան իրավունքը. այս հարցի շուրջ Մոսկվայի հետ որևէ շփում չկա։ Այս մասին Արևելյան տնտեսական ֆորումում (EEF) լրագրողներին հայտարարել է Ռուսաստանի փոխվարչապետ Ալեքսեյ Օվերչուկը։
«ԵՄ-ին Հայաստանի անդամակցության հարցը Հայաստանի գործն է։ Ինչ էլ որ որոշեն, այդպես էլ կլինի։ Դա նրանց ինքնիշխան իրավունքն է»,-ասել է նա՝ պատասխանելով այդ մասին հարցին։