Հայաստանի ազգային խումբի 21 տարեկան միջնապահ Կարլեն Յովհաննիսեան իր առաջին պաշտօնական մրցումը կատարեց ռուսական Աքրոն խումբին հետ: Ռուսիոյ բաժակի մրցումին գծով Աքրոն կը մրցէր Լոքոմոթիւ Մոսկուայի դէմ:
Հայ ֆութպոլիստը դաշտ ներկայացաւ երկրորդ կիսախաղին (69-րդ վայրկեանին): Մրցումը աւարտեցաւ սպիտակ հաւասարութեամբ: Դիմուեցաւ վճռական փենալթիներու, եւ Աքրոն 5-4 արդիւնքով յաղթեց: Յովհաննիսեան նշանակեց 4-4-րդ կարեւոր փենալթին եւ մեծ դեր ունեցաւ Աքրոնի յաղթանակին մէջ:
Աքրոն իր յաջորդ մրցումը պիտի կատարէ Ռուսիոյ «Փրեմիեր լիկ»-ին գծով Օրենպուրկի դէմ, 6 սեպտեմբերին:
Նշենք, որ Աքրոնի մրցումին օրը, Փիւնիկ եւ Աքրոն պաշտօնապէս հաստատեցին միջնապահին փոխանցումը: Ռուսական ակումբը երիտասարդ ֆութպոլիստին համար վճարած է 70 միլիոն ռուբլի (700 հազար եւրօ)` անոր հետ կնքելով 5 տարուան պայմանագրութիւն, մինչեւ 2031-ի ամառ: