Ղրղզստանի մայրաքաղաքում սկսվել է Շանհայի համագործակցության կազմակերպության (ՇՀԿ) պետությունների ղեկավարների խորհրդի գագաթնաժողովի հիմնական մասը, հաղորդում է ՏԱՍՍ-ը։
Ղրղզստանի նախագահ Սադիր Ջապարովը մեկ առ մեկ ընդունում է միջոցառմանը ժամանող առաջնորդներին։ Նա արդեն հանդիպել է Ռուսաստանի նախագահ Վլադիմիր Պուտինի հետ։
Գագաթնաժողովը կսկսվի Պետությունների ղեկավարների խորհրդի նիստով՝ «ՇՀԿ-ի 25 տարի. կայունության ամրապնդում, համագործակցության ընդլայնում, հետագա համատեղ զարգացման ուղղությամբ» կարգախոսով։ Ինչպես ավելի վաղ լրագրողներին հայտնել էր Ռուսաստանի նախագահի օգնական Յուրի Ուշակովը, առաջնորդները կամփոփեն կազմակերպության աշխատանքը վերջին քառորդ դարի ընթացքում։
Նրանք նաև կքննարկեն կազմակերպության հետագա ամրապնդման և քաղաքականության, անվտանգության, տնտեսության և հումանիտար կապերի ոլորտներում համագործակցության զարգացման հարցեր։ ՇՀԿ առաջնորդները նաև կարծիքներ կփոխանակեն միջազգային և տարածաշրջանային աջակցության արդիական հարցերի շուրջ։
Հատուկ ուշադրություն կդարձվի ՇՀԿ-ի աշխատանքի հետագա կատարելագործմանը։
Հիշեցնենք, որ վարչապետ Նիկոլ Փաշինյանը ևս աշխատանքային այցով մեկնել է Ղրղզստանի Հանրապետություն:
Նիկոլ Փաշինյանը Բիշքեկում կմասնակցի Շանհայի համագործակցության կազմակերպության գագաթնաժողովի ՇՀԿ+ ձևաչափի հանդիպմանը և դրա շրջանակում կայանալիք միջոցառումներին:
Այցի շրջանակում Նիկոլ Փաշինյանը երկկողմ հանդիպումներ կունենա արտերկրի գործընկերների հետ: