Հայկական ֆութպոլին համար յիշատակելի օր մըն էր հինգշաբթի գիշեր, երբ «Եու. Է. Էֆ. Ա.»-ի կազմակերպած «Եուրոփա լիկ»-ի զտումի 3-րդ հանգրուանի իր մրցումին, Հայաստանի ախոյեան Արարատ – Արմենիա 1-0 արդիւնքով յաղթեց Ունիվերսիտաթէա Քրայովային եւ հասաւ աւարտական հանգրուան:
1992-էն ի վեր (Հայաստանի` Եու. Է. Էֆ. Ա.»-ին միանալէ ետք իբրեւ անկախ ֆետերասիոն), հայկական ոչ մէկ ակումբ կրցած էր հասնիլ եւրոպական որեւէ բաժակի աւարտական (կամ հիմնական) մրցաշարքին:
Երթին, Ռումանիոյ մէջ 1-1 արդիւնքով հաւասարելէ ետք, Արարատ – Արմենիա ոչ շատ համոզիչ ելոյթէ մը ետք կրցաւ 1-0 արդիւնքով յաղթել 97-րդ վայրկեանին նշանակած փենալթիէ մը ետք, ուր Սանտրօ Լիմա կրցաւ գնդակը զետեղել ռումանական ակումբին բերդին մէջ: