Մարոկկոյից զանգվածային ներհոսքից հետո Իսպանիայի Սեուտա քաղաքում մնացած բազմաթիվ միգրանտներ խուսափում են հիվանդանոցներից՝ վախենալով արտաքսումից, ասել է Սեուտայի բժիշկների կոլեգիայի նախագահ Էնրիկե Ռովիրալտան։
«Քաղաքում ցրված մարդիկ թաքնվում են, շատերը դժկամությամբ են գնում հիվանդանոց՝ վախենալով արտաքսումից», – ասել է նա թերթերից մեկին տված հարցազրույցում։
Նա նշել է, որ սա բարդացնում է քաղաքում համաճարակաբանական իրավիճակի գնահատումը։ Կոլեգիայի ղեկավարը նշել է, որ երբ հնարավոր չէ որոշել ռիսկի աստիճանը, ավելի լավ է ենթադրել ամենավատ սցենարը և պատրաստ լինել հնարավոր բռնկումներին։
Ռովիրալտան նաև նշել է վարակիչ հիվանդությունների կանխարգելման դժվարությունը վատ սանիտարական պայմաններում ապրող մարդկանց շրջանում։ Նա որպես օրինակ բերել է քոսը, որը պահանջում է ոչ միայն վարակված անձի բուժում, այլև շփումների արգելափակում և պաշտպանիչ հագուստի ու անկողնային պարագաների օգտագործում։ Երեկ Սեուտայի բուժքույրերի ասոցիացիայի նախագահ Ռոզա Ֆուենտեսը հայտարարել է, որ միգրացիոն ճգնաժամի պայմաններում Սեուտայում համաճարակաբանական ռիսկը իրական է և ամեն օր աճում է։ Հուլիսի վերջին Մարոկկոյին սահմանակից Սեուտան բախվեց միգրանտների զանգվածային հոսքի։ Թագավորության Ներքին գործերի նախարարությունը հայտնել է, որ Մարոկկոյից երկիր է մուտք գործել մոտ 72,000 միգրանտ։ Օգոստոսի 11-ին Սեուտայի իշխանությունները հայտնել են, որ քաղաքում մնում է մոտ 10,000 միգրանտ։