«Եու. Է. Էֆ. Ա.»-ի «Քոնֆերենս լիկ»-ի զտումի 3-րդ փուլի դարձի մրցումին, Հայաստանի բաժակակիր եւ գերբաժակակիր Նոա ակումբը Զուիցերիոյ մէջ մրցեցաւ Սիոնի դէմ:
Սիոն մրցումին սկիզբէն ճնշեց, բայց 25-րդ վայրկեանին զուիցերիացի մարզիկները խախտելէ ետք խաղի կանոնները, Նոա փենալթիով բացաւ մրցումին հաշիւը` Հելտէր Ֆերէյրայի միջոցով:
Երկրորդ կիսախաղին, Սիոն 54-րդ վայրկեանին հաւասարեցաւ շնորհիւ 20 տարեկան Ուինսլի Պոթելիի, որ երթին ալ (2-2) մրցումին կրցած էր կոլ նշանակել Երեւանի մէջ: Պրազիլցի միջնապահ Պալթազար 63-րդ վայրկեանին նշանակեց կոլ մը եւս, բայց Նոա չկրցաւ մրցումին ղեկին վերատիրանալ եւ դուրս մնաց մրցաշարքէն:
Երկու մրցումներու ընդհանուր 4-3 արդիւնքով Նոա այժմ պիտի կեդրոնանայ Հայաստանի ախոյեանութեան վրայ: