«Գազպրոմ Արմենիա» ընկերության չորս աշխատակից և Քաղաքաշինության, տեխնիկական և հրդեհային անվտանգության տեսչական մարմնի մեկ պաշտոնատար անձ ձերբակալվել են կաշառքի գործով, «Ազատության»- ը հայտնել են Հակակոռուպցիոն կոմիտեից։
Ըստ իրավապահների՝ քրեական վարույթն առնչվում է նորակառույց շենքերի գազամատակարարման գործընթացում թույլ տրված խախտումներն անտեսելու և դրանց պայմաններում դրական եզրակացություն տրամադրելու դիմաց կաշառք տալու դեպքերին։
Դատարանը չորսի նկատմամբ կալանք է կիրառել, մեկ նկատմամբ սահմանվել է տնային կալանք։