Այսօր հայտնաբերվել է Պաշտպանության նախարարության N զորամասի զինծառայող Գրիգոր Էդգարի Զաքարյանի դին՝ հրազենային վնասվածքով, հաղորդում է ՀՀ ՊՆ մամուլի քարտուղարը:
Դեպքի հանգամանքներն ամբողջովին պարզելու նպատակով ընթանում է քննություն, ասված է հաղորդագրությունում:
Նախարարությունը «վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակիցներին»։
Այլ մանրամասներ չեն հրապարակվում:
Սա ընթացիկ տարում ՀՀ զինված ուժերում ոչ մարտական պայմաններում զինծառայողի մահվան 9-րդ դեպքն է:
Այսօր ճեպազրույցի ժամանակ պատասխանելով Զինված ուժերում ոչ մարտական պայմաններում զոհերի մասին հարցին՝ վարչապետ Նիկոլ Փաշինյանն ասաց, որ կադրային փոփոխություններ կլինեն, մասնավորապես՝ Ռազմական ոստիկանությունում: