Թուրքիայի Հայոց պատրիարքարանը հայտարարություն է տարածել՝ զորակցություն հայտնելով Գարեգին Բ Ամենայն Հայոց կաթողիկոսին և Հայ Առաքելական Եկեղեցու եպիսկոպոսներին։
Հայտարարության մեջ մտահոգություն է հայտնվում Հայ Եկեղեցու նկատմամբ վերջին շրջանում ձևավորված վերաբերմունքի և բարձրաստիճան հոգևորականների նկատմամբ դատական գործընթացների կապակցությամբ։ Ըստ Պատրիարքարանի՝ դրանք վիրավորում են Եկեղեցու նվիրապետական արժանապատվությունը և վնասում Եկեղեցու ու հավատացյալների միջև դարերով ձևավորված կապերին։
Պատրիարքարանը պատասխանատուներին հորդորել է անխոցելի պահել Հայ Եկեղեցին և եկեղեցական հարցերը չվերածել աշխարհիկ դատական հակամարտությունների։