Հայաստանի ֆութպոլի բարձրագոյն դասակարգի առաջին հանգրուանի մրցումներէն ետք մեծ թիւով կոլեր նշանակուեցան, եւ գլխաւոր հերոսն էր բարձրագոյն դասակարգի նոր խումբերէն Սարդարապատը:
Սարդարապատ 4-1 արդիւնքով ջախջախիչ արդիւնքով պարտութեան մատնեց Վանը եւ գլխաւորեց դասաւորման առաջին դիրքը, մինչ Սիւնիք 3-0 արդիւնքով պարտութիւն կրեց Նոայէն իր առաջին մրցումին:
2026-2027 տարեշրջանին բարձրագոյն դասակարգի խումբերուն թիւը 10-էն բարձրացած է 12-ի: Բարձրագոյն դասակարգին միացան Սիւնիքն ու Սարդարապատը, իսկ Շիրակ մնացած էր նոյն դասակարգին մէջ:
Տարեշրջանի իր առաջին մրցումին Սարդարապատ Չարենցաւանի մէջ 4-1 արդիւնքով յաղթեց դաշտի տէրերուն: Տարեշրջանի առաջին կոլը նշանակեց Լեւոն Պետրոսեան 31-րդ վայրկեանին, եւ կիսախաղէն առաջ Համլեթ Մինասեան փենալթիով արդիւնքը բարձրացուց 2-ի: 17 տարեկան Ջանիկ Դաւթեան անմոռանալի կոլ մը նշանակեց, բայց Վան փենալթին նշանակեց իր միակ կոլը Պետրոս Աւետիսեանի շնորհիւ: Մրցումի յաւելեալ վայրկեաններուն Արթուր Դանիէլեան 4-րդ կոլը նշանակեց` դառնալով Սարդարապատի եւ մրցումի վերջին կոլ նշանակողը:
Դաւիթեան դարձաւ Սարդարապատի ակադեմիայի առաջին սանը, որ Հայաստանի բարձրագոյն դասակարգին մէջ կոլ նշանակեց:
Անցեալ տարեշրջանի ախոյեան Արարատ Արմենիա 4-3 արդիւնքով պարտութեան մատնեց Գանձասարը` այս վերջինիս դաշտին վրայ, մինչ Երեւանի բանակայինները սպիտակ հաւասարութիւն արձանագրեցին Շիրակի հետ:
Նոա 3-0 արդիւնքով պարտութեան մատնեց Սիւնիքը, մինչ Ուրարտու 2-2 արդիւնքով հաւասարութիւն արձանագրեց Փիւնիկի հետ: Փիւնիկ 2-0 արդիւնքով կը յաղթէր, բայց 92-րդ եւ 95-րդ վայրկեաններուն Ուրարտու 2 կոլեր նշանակեց Միքայէլ Միրզոյեանի եւ Նիքոլաոս Քայնուրիոսի շնորհիւ (սխալմամբ իր բերդին մէջ): Ալաշկերտ 3-0 արդիւնքով ծանր պարտութեան մատնեց Արարատ Երեւանը:
Այսօր կը շարունակուի ախոյեանութիւնը, ուր Արարատ Արմենիա պիտի մրցի Ուրարտուի դէմ, իսկ Արարատ Երեւան` Սարդարապատի:
Վաղը Գանձասար պիտի հիւրընկալէ Սիւնիքը: Փիւնիկ պիտի մրցի Վանի դէմ, իսկ Շիրակ` Նոայի (կիրակի օր), մինչ երկուշաբթի օր Ալաշկերտ պիտի մրցի Երեւանի բանակայիններուն դէմ: