Տուլայի մարզում Wildberries-ի տեսակավորման կենտրոնը հրդեհվել է անօդաչու թռչող սարքի ընկնելու հետեւանքով, հայտնել է մարզի նահանգապետ Դմիտրի Միլյաեւը։
«Նախնական տեղեկություններով՝ զոհեր չկան, մեկ մարդ վիրավորվել է, նրան ցուցաբերվում է անհրաժեշտ բժշկական օգնություն»,- ճշտել է նահանգապետը։
Միլյաեւի խոսքով՝ ԱԹՍ-ների հարձակման հետեւանքով վնասվել են նաեւ երկու բազմաբնակարան շենք եւ երկու արտադրական օբյեկտ։
Ըստ նահանգապետի` ընդհանուր առմամբ, մարզի երկնքում խոցվել է 107 անօդաչու թռչող սարք։