Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Մոսկվայի մարզի Էլեկտրոստալ քաղաքային շրջանում 9-ամյա դպրոցական է խեղդվել լճակում՝ գնդակը ջրից վերցնելու փորձի ժամանակ։ Դեպքի մասին հայտնել է Ռուսաստանի Արտակարգ իրավիճակների նախարարության տարածաշրջանային վարչությունը։
Նախնական տվյալներով՝ երեխան ընկերների հետ ֆուտբոլ էր խաղում թիվ 2 (Յուժնի) լճակի ափին, երբ գնդակը հայտնվել է ջրում։ Տղան մտել է ջուրը՝ այն վերցնելու համար, սակայն ափից մոտ հինգ մետր հեռավորության վրա սկսել է խեղդվել և այլևս չի կարողացել դուրս գալ։
Փրկարարները դեպքի վայրում ջրից դուրս են բերել 2017 թվականին ծնված երեխայի մարմինը։
Նշվում է, որ լճակը նախատեսված չի եղել լողանալու համար և այնտեղ փրկարարական կայան չի գործել։
Դեպքի առթիվ կատարվում է ստուգում։ Արտակարգ իրավիճակների նախարարությունը ծնողներին կոչ է արել երեխաներին երբեք առանց հսկողության չթողնել ջրային տարածքների մոտ և լողալու համար ընտրել միայն հատուկ կահավորված ու վերահսկվող վայրեր։
Հետևեք մեզ՝ այստեղ