Լրագրող Ոսկան Սարգսյանի ֆեյսբուքյան գրառումը. «Արտահանումը քիչ է, սակայն գյուղմթերքները, մրգերը չեն էժանացել.
Արգելվել է հայկական ձկան, ծիրանի, պանրի, բանջարեղենի և այլնի Ռուսաստան արտահանումը։ Եվրոպական Միության երկրներ Հայաստանի քիչ արտադրանք է առաքվում, որքան էլ էկոնոմիկայի նախարար Գևորգ Պապոյանը ՀՀ-ից ԵՄ արտահանման մեծ տոկոսներ( բայց ոչ փաստացի ծավալներ) հրապարակելով՝ մոլորեցնում է հանրությանը։ Տրամաբանական կլիներ,որ այս պայմաններում Հայաստանի ներքին շուկայում նշված ապրանքների գնանկում լիներ։ Սակայն բացառությամբ կիլոգրամը մոտ 200 դրամով վաճառվող լոլիկի և վարունգի, մնացած գյուղատնտեսական ապրանքները չեն էժանացել։ Դա այն պատճառով է, որ գյուղացու արտադրած պանիրը, մրգերն ու բանջարեղենը սպառողներին են հասնում միջնորդ առևտրականների, սուպերմարկետների միջոցով,որոնք գները բարձր են պահում»: