Օրսիէ-Մերլեթ շրջանը միշտ ալ յիշած է 1971-ի Լուիս Օսանիայի հերոսական յարձակումը, ուր ան անակնկալի բերած էր մինչեւ իսկ ախոյեան Էտի Մերքսը:
Այս տարուան «Թուր տը Ֆրանս»-ի 18-րդ հանգրուանին, էքուատորցի մը` Ռիշարտ Քարափաս կրցաւ Ալփեան լեռներու հանգրուանին հերոսական ձեւով յարձակիլ` շահելով հանգրուանը:
Նախ ան Սուտալի մարզիկ Վալենթեն Փարէ-Փէյնթրի հետ փորձեց պայքարիլ մագլցողներու կէտերուն համար: Ան հեռացաւ գլխաւոր խմբակէն եւ աւարտին որոշ հեռաւորութիւն պահեց զոյգ մը յարձակումներէ հեռու մնալով` վերջին 3 քիլոմեթրներուն առանձին յառաջանալով: Ժայքոյի մարզիկ Մաուրօ Շմիտ Բ. դիրքը գրաւեց 17-րդ հանգրուանին նման աւելի դիւրին ճամբու վրայ: Մաթէօ Եորկենսոն (Վիսմա) գրաւեց 3-րդ դիրքը: Դեղին շապիկի համար պայքարողներու խումբը մնաց իրար մօտ, բայց Քարափաս լաւագոյն 10-ին մէջ անցաւ` շնորհիւ իր ձեռք բերած երկար յարձակումի շահած ժամանակին:
Ստորեւ ընդհանուր դասաւորումը` աւարտէն 3 հանգրուան առաջ (2857,5քմ).
1.- Թատէյ Փոկաչար (Էմիրէյթց) 64 ժամ 35′ 13″
2.- Ռեմքօ Էվենեփուլ (Ռետ Պուլ) 4′ 32″ ուշ
3.- Իզաք Տել Թորօ (Էմիրէյթց) 6′ 51″ ուշ
4.- Փոլ Սեքսաս (Տեքաթլոն) 7′ 11″ ուշ
5.- Խուան Այուսօ (Լիտլ) 9′ 22″ ուշ
6.- Մաթիաս Սքիելմոս (Լիտլ) 10′ 14″ ուշ
7.- Լենի Մարթինես (Պահրէյն) 12′ 50″ ուշ
8.- Թոմ Ֆիտքոք (Փինարելլօ) 12′ 58″ ուշ
9.- Ժորտան Ժեկա (Թոթալ) 14′ 04″ ուշ
10.- Ռիշարտ Քարափաս (Ի. Էֆ. Էճիւքէյշըն) 21′ 00″ ուշ