Արդեն ավելի քան 4 տարի է շարունակվում է ռուս-ուկրաինական պատերազմը: Եվրոպական հետախուզության տվյալներով՝ այս տարի այն դժվար էլ ավարտվի։ Վերլուծաբանների գնահատմամբ՝ Ուկրաինայի վերջին հարվածները Ռուսաստանի խոշոր պահեստներին վկայում են, որ Կիևը փոխում է պատերազմի տրամաբանությունը: Եթե նախկինում հիմնական թիրախները նավթավերամշակման գործարաններն ու ռազմական ենթակառուցվածքներն էին, այժմ հարվածների տակ են հայտնվում նաև այն օբյեկտները, որոնք առնչվում են միլիոնավոր շարքային ռուսաստանցիների առօրյային։ Այս շաբաթ ևս փոխադարձ հարվածները շարունակվել են՝ թիրախավորելով ոչ միայն ռազմական, այլև տնտեսական և էներգետիկ ենթակառուցվածքները։
Ռուս-ուկրաինական պատերազմի շաբաթվա զարգացումները քննարկվել են «Շանթնյուզ»-ի տաղավարում: