Միացեալ Նահանգներու նախագահ Տանըլտ Թրամփ յայտարարած է Քանատայէն ներածուող շարք մը ապրանքներու վրայ 50 առ հարիւրի մաքսատուրքերու սահմանումը:
Սպիտակ տունը այս որոշումը ստորագրած է` զայն Օթաուայի կողմէ ամերիկեան արտադրութեան նկատմամբ «խտրական վերաբերմունքին պատասխանելու անհրաժեշտութեամբ» պատճառաբանելով:
Ամերիկեան սահմանափակումներու տակ յայտնուած քանատական ապրանքներու շարքին են շարք մը լայն սպառման ապրանքներ, որոնց շարքին գինին:
Թրամփի հաստատած մաքսատուրքերը առայժմ պիտի չտարածուին Քանատայէն ներածուող շարք մը այլ ապրանքատեսակներու` ներառեալ ուժանիւթի, պարարտանիւթերու եւ ձկնամթերքի վրայ:
Միւս կողմէ, «Ֆայնենշըլ Թայմզ» օրաթերթին համաձայն, Թրամփ կը պատրաստուի այս շաբաթ տասնեակներով պետութիւններու վրայ նոր մաքսատուրքեր հաստատելու: