Ռուսաստանի կողմից Ուկրաինայի մայրաքաղաք Կիևին հասցված հրթիռային զանգվածային հարվածների հետևանքով վնասվել է նաև Ուկրաինայում Ադրբեջանի դեսպանատան շենքը։
Այս մասին հայտնել են ադրբեջանական լրատվամիջոցները։
Կիևի մետրոյի «Լուկյանովկա» կայարանի դիմաց՝ Ադրբեջանի դեսպանատնից 200-250 մետր հեռավորության վրա ընկած հրթիռի ալիքից կոտրվել են դեսպանատան շենքի ապակիները։
Հաղորդվում է նաև, որ դեսպանատան աշխատակիցները չեն տուժել։