Հայաստանում շենգենյան վիզայի դիմում ներկայացնելու համար անհրաժեշտ են հետևյալ հիմնավորող փաստաթղթերն ու տեղեկությունները:
Դիմում-հարցաթերթիկ և դիմողի ինքնությունը հավաստող տվյալներ
- Լրացված և ստորագրված դիմում-հարցաթերթիկ
- Վավեր անձնագիր (անձնագիրը պետք է վավեր լինի առնվազն 3 ամիս այն օրվանից հետո, երբ նախատեսում եք լքել շենգենյան գոտու տարածքը, և ունենա առնվազն 2 դատարկ էջ), այդ թվում՝ անձնական տվյալների և լուսանկարի էջի, վիզաներ և կնիքներ պարունակող բոլոր էջերի պատճենները
- Վավեր ու անվավեր անձնագրերի բնօրինակներն ու պատճենները (վիզաներ և կնիքներ պարունակող բոլոր էջերի պատճեններով) (միայն Իսպանիայի դեպքում)
- Նախորդ 3 տարվա ընթացքում ստացված շենգենյան վիզաներ պարունակող էջերի պատճենները (միայն Ավստրիայի դեպքում)
- Այլ վավեր անձնագրեր՝ առկայության դեպքում (միայն Լեհաստանի դեպքում)
- 1 կամ 2 նոր կենսաչափական լուսանկարներ (3.5 × 4.5սմ, սպիտակ ֆոնով)
Ճամփորդություն և կացություն
- Վերադարձով ավիատոմսի ամրագրում
- Հունաստանը պահանջում է ամբողջ այցելության ժամանակացույցը
- Շենգենյան գոտում բնակվելու վայրի վերաբերյալ ապացույց (օրինակ՝ հյուրանոցի ամրագրում)
- Հունաստանը պահանջում է նաև հյուրանոցի համար վճարման ապացույցները
- Եթե ճամփորդության ընթացքում պատրաստվում եք այցելել շենգենյան գոտու մի քանի երկրներ, ապա բնակության վայրի վերաբերյալ ապացույցներն անհրաժեշտ են բոլոր երկրների համար
- Ճամփորդական բժշկական ապահովագրության վկայագիր շենգենյան բոլոր երկրների համար (նվազագույնը €30,000 ապահովագրական վճարի սահմանաչափով)
Ֆինանսական միջոցներ և աշխատանք
- Բանկային հաշվի քաղվածքի բնօրինակը (նախորդող 3–6 ամիսների համար)
- Գործատուի կողմից տրված տեղեկանք (առավելագույնը մեկ ամսվա վաղեմության), որտեղ նշվում են աշխատավարձի չափը և աշխատանքային պայմանագրի ժամկետը
- Գործատուի կողմից տրված՝ աշխատանքից բացակայելու թույլտվություն կամ արձակուրդը հաստատող տեղեկանք (միայն Ավստրիայի դեպքում)
- Աշխատանքային պայմանագիր (միայն Ֆրանսիայի դեպքում)
- Պետական եկամուտների կոմիտեի կողմից տրամադրված՝ ֆիզիկական անձի անհատական հաշվի քաղվածք, որտեղ նշված է աշխատավարձի չափը (Ավստրիայի և Գերմանիայի դեպքում)
- Հովանավորված ճամփորդությունների դեպքում՝ հովանավորի կողմից տրված հիմնավորող նամակ և հարակից այլ փաստաթղթեր (հովանավորի բանկային հաշվի քաղվածքը և անձը հաստատող փաստաթուղթը)
- Ձեռներեցների դեպքում՝ իրավաբանական անձի գրանցման վկայականը և հարկային տեղեկանքը
- Ուսանողների դեպքում՝ ուսանողական քարտ, տեղեկանք ուսումնական հաստատությունից և խնամակալի կամ հովանավորի մոտ բավարար ֆինանսական միջոցների առկայության ապացույց
- Թոշակառուների դեպքում՝ թոշակի վերաբերյալ տեղեկանք կամ քաղվածքներ, ինչպես նաև սեփականության իրավունքի վկայական(ներ) (առկայության դեպքում)
Հայաստանի հետ կապերը
- Սեփականության իրավունքի վկայական(ներ) (Չեխիա, Իտալիա, Լիտվա, Լեհաստան, Հունաստան)
- Քաղաքացիական կարգավիճակի վերաբերյալ տեղեկություններ (ամուսնության վկայական, երեխաների ծննդյան վկայականներ, ընտանեկան այլ կապերը ապացուցող փաստաթղթեր)(Գերմանիա, Լիտվա, Իտալիա, Ֆրանսիա)
Անչափահասներ
- Ծննդյան վկայական և անձնագիր
- Ծնողների անձնագրերի պատճեններ
- Մեկ ծնողի ուղեկցությամբ կամ առանց ծնողների ճամփորդելու դեպքում՝ ծնող(ներ)ի համաձայնություն նոտարական վավերացմամբ (անգլերեն թարգմանությամբ) Հայերեն լեզվով փաստաթղթերը պետք է ներկայացվեն անգլերեն (կամ համապատասխան երկրի պաշտոնական լեզվով) նոտարական թարգմանությամբ։
Նոտարական թարգմանություն չի պահանջում միայն Գերմանիայի հյուպատոսությունը։ Դիմումը պատրաստելիս խորհուրդ է տրվում պարտադիր այցելել համապատասխան հյուպատոսության կայքը և տեղեկանալ այայնտեղ հրապարակված անհրաժեշտ փաստաթղթերի ցանկին։
Աղբյուրը՝ Արտաքին գործերի նախարարություն։