Թեհրանը դադարեցրել է Վաշինգտոնի հետ հակամարտության դադարեցման վերաբերյալ հուշագրով նախատեսված պարտավորությունների կատարումը, հաստատել է Իրանի արտաքին գործերի նախարարի տեղակալ Քազեմ Ղարիբ-Աբադին։
«Մենք նույնպես դադարեցրել ենք մեր պարտավորությունների կատարումը և ներկայումս դրանք չենք իրականացնում, քանի որ զբաղված ենք ազգային պաշտպանության հարցերով», -ասել է Ղարիբ-Աբադին՝ ըստ Tasnim լրատվական գործակալության։
Հուլիսի 15-ին Իրանի խորհրդարանի խոսնակ և ԱՄՆ-ի հետ բանակցություններում իրանական պատվիրակության ղեկավար Մոհամմադ Բաղեր Ղալիբաֆը հայտարարեց, որ Թեհրանը իմաստ չի տեսնում հավատարիմ մնալու Միացյալ Նահանգների հետ կնքված հուշագրին, եթե այն չի կատարվում։
Հունիսի 18-ի գիշերը Թեհրանն ու Վաշինգտոնը ստորագրեցին հուշագիր՝ ուղղված փետրվարի 28-ին սկսված հակամարտության դադարեցմանը։ Սակայն հուլիսի 8-ից սկսած՝ ԱՄՆ զինված ուժերը Իրանի դեմ մի շարք հարձակումներ իրականացրին։ ԱՄՆ Կենտրոնական հրամանատարությունը հայտարարեց, որ այդ գործողությունները պատասխան էին Իրանի կողմից իբր Հորմուզի նեղուցով անցնող առևտրային նավերի դեմ ձեռնարկված քայլերին։