Ֆրանսիայի նախագահ Էմանուել Մակրոնը և Գերմանիայի կանցլեր Ֆրիդրիխ Մերցը հուլիսի 16-ին կայանալիք հանդիպման ժամանակ կքննարկեն միջուկային զսպման ոլորտում համագործակցությունը, հաղորդում է Agence France-Presse-ը՝ հղում անելով Ելիսեյան պալատին։
«Մենք մտնում ենք իրականացման փուլ։ Կստեղծվի ֆրանս-գերմանական ղեկավարող խումբ», – լրագրողներին ճեպազրույցի ժամանակ ասել է Ֆրանսիայի առաջնորդի գրասենյակի ներկայացուցիչը։ Նա խոստացել է, որ կհաստատվեն համագործակցության «կոնկրետ ոլորտները»։ Այս համագործակցությունը կներառի «առաջադեմ վաղ նախազգուշացում», «խորը հարվածներ» և «հրթիռային պաշտպանություն»։ Գործակալությունը նշում է, որ միջուկային զենքի կիրառման վերաբերյալ վերջնական որոշումը կպահպանի Ֆրանսիան։
Երկու առաջնորդների հանդիպումը նախատեսված է ֆրանս-գերմանական նախարարական խորհրդի շրջանակներում, որը տեղի կունենա Բրյուլում հուլիսի 16-ին և 17-ին։ Միջուկային զսպումից բացի, Մակրոնը և Մերցը կքննարկեն եվրոպական մրցունակությունը, թվային տեխնոլոգիաները, «տեղեկատվական մանիպուլյացիայի» դեմ պայքարը և միջսահմանային համագործակցությունը։ Առանձին-առանձին նրանք հույս ունեն հասնել դիրքորոշումների մերձեցման ԵՄ ապագա բյուջեի վերաբերյալ։