Վեթերան սերպ թենիսմեն Նովաք Ճոքովիչ, որ 7 անգամ շահած է Ուիմպըլտընի թենիսի մրցաշարքը, կրցաւ իր 106-րդ յաղթանակը արձանագրել կրան շլեմի այս մրցաշարքին բարելաւելով Ռոժէ Ֆետերերի մրցանիշը (105 յաղթանակ) 7-6, 6-3, 3-6 եւ 6-3 արդիւնքով յաղթելէ ետք ռուս Ռոման Սաֆիուլինին:
Ճոքովիչ իր յաջորդական 9-րդ քառորդ աւարտականին հասաւ Ուիմպըլտընի մէջ (եւ իր ասպարէզի 17-րդը):
Ուիմպըլտընի դաշտերուն վրայ միայն աղջկանց պատմական մարզիկ Մարթինա Նաւրաթիլովա աւելի մրցումներ յաղթած է 120 յաղթանակներով:
39 տարեկան Ճոքովիչ, որ կրան շլեմի իր 25-
րդ տիտղոսը կը փորձէ շահիլ բարելաւելու իր անձնական մրցանիշը, քառորդ աւարտականին պիտի մրցի Ֆելիքս Օժէ Ալիասիմ – Ալեխանտրօ Տավիտովիչ Ֆոքինա մրցումին յաղթականին դէմ:
Նշենք, որ Ճոքովիչ թիւ 7 դասուած է այս մրցաշարքին, մինչ առաջին 3 դասուած մարզիկներն են թիւ 1 Եաննիք Սինըր, Ալեքսանտր Զվերեւ (թիւ 2) եւ Ալիասիմ (թիւ 3):
Աղջկանց թիւ 1 դասուած Արինա Սապալենքա հազիւ 1 ժամ 29 վայրկեան պայքարէ ետք պարտութիւն կրեց ճափոնցի Նաոմի Օսաքայի դէմ մրցումին` 6-2 եւ 7-6 (7-2) արդիւնքով:
Սապալենքա 2026-ին շատ լաւ վիճակի մէջ չի գտնուիր, եւ Աւստրալիոյ բաց մրցաշարքի աւարտականին հասնելէ անկախ ան Ռոլան Կարոսի քառորդ աւարտականին հասած էր, ինչպէս նաեւ Ուիմպըլտընի 4-րդ հանգրուանին:
Սակայն որովհետեւ անոր ամէնէն մօտ մրցակիցները` Էլինա Ռիպաքինա եւ Իկա Շվիանթեք նոյն ձեւով լաւ մակարդակի վրայ չեն, ան կը մնայ թիւ 1 դիրքին վրայ:
Ստորեւ տղոց եւ աղջկանց կարեւորագոյն արդիւնքները.
Եանիք Սինըր (Իտալիա) – Ճենսըն Պրուքսապի (Միացեալ Նահանգներ) 6-4, 6-3 եւ 6-4
Հապերթ Հուրքաշ (Լեհաստան) – Թոմի Փոլ (Միացեալ Նահանգներ) 4-6, 7-6, 7-5 եւ 6-2
Եան-Լենարտ Շթրուֆ (Գերմանիա) – Տանիլ Մետվետեւ (Ռուսիա) 7-6, 7-6 եւ 7-5
ԱՂՋԻԿՆԵՐ
Ճեսիքա Փեկուլա (Միացեալ Նահանգներ) – Իվա Եովիչ (Միացեալ Նահանգներ) 4-6, 6-3 եւ 6-1
Քարոլինա Մուչովա (Չեխիա) – Պարպորա Քրէյչիքովա (Չեխիա) 7-5, 5-7 եւ 6-3
Նամի Օսաքա (Ճափոն) – Արինա Սապալենքա (Պիելոռուսիա) 6-2, 7-6 (7-2):