Բրիտանիոյ վարչապետ Քիր Սթարմըր եւ Ֆրանսայի նախագահ Էմանուել Մաքրոն միացեալ հաղորդագրութիւն մը հրապարակելով յայտարարեցին. «Բրիտանիան ու Ֆրանսան պատրաստ են բազմազգեան զինուորական առաքելութիւն տեղակայելու` Հորմուզի նեղուցին մէջ նաւարկումի ազատութեան աջակցելու համար»:
Նախքան այդ, Մաքրոն յայտարարեց. «Ամերիկայի եւ Իրանի միջեւ փոխըմբռնման յուշագիրի ստորագրումը շրջանային կայունութեան ամրապնդման ուղղութեամբ կարեւոր քայլ է»:
«Տեղակայեցինք ականազերծման մասնագիտացած միջոցներ, որոնց շարքին ականազերծման աշխատանք տանող երկու նաւեր եւ երկու յածանաւեր` նպաստելու համար Հորմուզի նեղուցէն անվտանգ անցքին», նշեց Մաքրոն: