Ռուսաստանի վարչապետ Միխայիլ Միշուստինը երկուշաբթի օրը Եկատերինբուրգում բանակցություններ կվարի Հայաստանի վարչապետ Նիկոլ Փաշինյանի հետ, հայտնում է Ռուսաստանի կառավարության մամուլի ծառայությունը։
Երկուշաբթի օրը Ռուսաստանի և Հայաստանի վարչապետները Սվերդլովսկի մարզի մայրաքաղաքում կմասնակցեն «Իննոպրոմ» 16-րդ միջազգային արդյունաբերական ցուցահանդեսին։
Եկատերինբուրգ կատարած այցը կլինի Փաշինյանի առաջին այցը Ռուսաստան Հայաստանում խորհրդարանական ընտրություններից հետո։
Հուլիսի 1-ին Միշուստինը և Փաշինյանը հեռախոսազրույց են ունեցել, որի ընթացքում քննարկել են ռուս-հայաստանյան համագործակցության արդիական հարցեր՝ առևտրատնտեսական, գիտական, տեխնոլոգիական, մշակութային և հումանիտար ոլորտներում։