ԱՄՆ անկախության 250-ամյակի կապակցությամբ շնորհավորական ուղերձում Իսրայելի վարչապետ Բենիամին Նեթանյահուն ԱՄՆ նախագահ Դոնալդ Թրամփին և ամերիկյան ժողովրդին անվանել է «սիրելի ընկերներ», վստահություն է հայտնել, որ իր երկիրը «համատեղ ճակատագիր» ունի Միացյալ Նահանգների հետ և խոստացել է համատեղ աշխատել աշխարհում «ազատությունը պաշտպանելու» համար։
«Չնայած մենք ապրում ենք տարբեր մայրցամաքներում, մենք ամուր կապ ունենք, քանի որ կիսում ենք ընդհանուր ճակատագիր։ Մենք գիտենք, որ ազատությունը երբեք անվճար չէ։ Այն պետք է անընդհատ գնվի և այն պետք է անընդհատ պաշտպանվի։ Ամերիկան եղել է ազատության ամենամեծ ուժը, որը ժամանակակից աշխարհը ճանաչել է։ Իսրայելը հպարտ է նրա կողքին կանգնած լինելով, Իսրայելը հպարտ է ձեզ բոլորիդ հետ կանգնած լինելով, քանի որ մեր դաշինքը կառուցված է ոչ միայն ընդհանուր շահերի, այլև ընդհանուր արժեքների վրա», – ասել է Նեթանյահուն X-ում տեղադրված տեսաուղերձում։
Նրա կարծիքով՝ «այսօր այդ արժեքները հարձակման տակ են»։