Իսրայէլի սփիւռքի նախարար Ամիխայ Չիքլի նշեց, որ Ռեճեփ Թայիփ Էրտողանի ղեկավարութեամբ Թուրքիան եւ իսլամական օրէնքի ղեկավարութեամբ Սուրիան ներկայիս Իրանէն շատ աւելի մեծ մտահոգութեան աղբիւր են:
Նախարարը յայտնեց, որ իրանեան շիիական կայսրութեան ժամանակաշրջանը վերջ գտաւ, եւ չարիքի նոր առանցքը Թուրքիայէն Սուրիա եւ Քաթար երկարող Իսլամ եղբայրներու առանցքն է:
Չիքլի նախքան այդ «Էքս»-ի վրայ գրառում կատարելով նշած էր. «Այս է չարիքի նոր առանցքը` իրարու միացնելով մեր ժամանակներու ամէնէն վտանգաւոր կայսերապաշտական տեսլականները` Էրտողանի նոր-օսմանականութիւնը եւ խալիֆայութեան մը երազը, որ կը ջատագովուի Սուրիոյ մէջ Քայիտայի ղեկավարին եւ Քաթարի մէջ Իսլամ եղբայրներուն կողմէ:
«Ան, որ ասիկա չի տեսներ, թէ՛ արմատական իսլամութիւնը, թէ՛ Միջին Արեւելքի իսկական բնոյթը չի հասկնար»: