Ճատրակի միջազգային ֆետերասիոնի յուլիս ամսուան դասաւորման աղիւսակին մէջ Հայաստան ունի 7 վարպետներ:
Տղոց կէտերու դասաւորման աղիւսակին մաս կը կազմեն Հայկ Մարտիրոսեան (65-րդ), Շանթ Սարգսեան (73-րդ), Արամ Յակոբեան (86-րդ) եւ Ռոպերթ Յովհաննիսեան (101-րդ):
Աղջկանց կէտերու դասաւորման աղիւսակին մաս կը կազմեն Էլինա Դանիէլեան (60-րդ), Լիլիթ Մկրտչեան (78-րդ) եւ Մարիամ Մկրտչեան (84-րդ):
Նշենք, որ տղոց դասաւորման պարագլուխի դիրքը կը գրաւէ նորվեկիացի Մակնուս Քարլսեն, մինչ աղջկանց դասաւորման պարագլուխի դիրքը կը գրաւէ չինացի Հու Եիֆան:
Հայաստանի ճատրակի տղոց հաւաքականի գլխաւոր նախկին ներկայացուցիչ Լեւոն Արոնեան, որ այժմ Միացեալ Նահանգները կը ներկայացնէ, դասաւորման 22-րդ դիրքը կը գրաւէ: