Հայաստանի հաւաքականը ծանրաբարձութեան պատանիներու (17 տարեկանէն վար) աշխարհի ախոյեանութեան պիտի ներկայանայ 2 մարզիկներով:
Հայաստանի հաւաքականը պիտի ներկայացնեն Յարութիւն Աւետիսեան (79 քկ) եւ Ալեն Զուրաբեան (94 քկ):
Մրցաշարքը տեղի պիտի ունենայ Քոլոմպիոյ Քալի քաղաքին մէջ, 5-էն 11 յուլիս:
Աղջկանց մրցումներուն Հայաստան ներկայացուցիչ պիտի չունենայ: Ծանրաբարձութեան պատանիներու աշխարհի ախոյեանութիւնը հայ ծանրաբարձներուն համար կարեւոր միջազգային մեկնարկ կ՛ըլլայ եւ կարելիութիւն մը ուժերը չափելու իրենց տարիքի ուժեղագոյն մարզիկներուն հետ: