Իրանի արտաքին գործոց նախարարութեան բանբեր Իսմայիլ Պաղայի յայտնեց. «Հորմուզի նեղուցին մէջ արտաքին միջամտութեան կարիք չկայ, որովհետեւ ատիկա միայն հարցերը պիտի բարդացնէ»:
«Փոխըմբռնման յուշագիրի Հորմուզի նեղուցի վերաբերեալ կէտերուն նկատմամբ մեր պատասխանատուութիւնները յստակ են եւ զանոնք որեւէ այլ կողմէ լաւ գիտենք», ըսաւ ան:
«Յառաջիկայ օրերուն ընթացքին ամերիկացիներուն հետ որեւէ մակարդակի վրայ հանդիպում ունենալու ծրագիրներ չկան», նշեց Պաղայի` աւելցնելով. «Վաղը Տոհայի մէջ քաթարեան կողմին հետ պիտի քննարկենք սառեցուած գումարներու հարցը»:
«Լիբանանի վերաբերեալ մեր դիրքորոշումը յստակ է, եւ Միացեալ Նահանգները յստակ խոստում տուած են բոլոր ճակատներուն վրայ պատերազմը դադրեցնելու», յայտնեց Իրանի արտաքին գործոց նախարարութեան բանբերը:
«Միացեալ Նահանգներուն փոխըմբռնման յուշագիրի յօդուածները չյարգելը անկասկածօրէն ժխտական կերպով պիտի ազդէ ներկայ հոլովոյթին վրայ», շեշտեց Պաղայի:
«Ամերիկեան որեւէ քայլ առանց հակադարձութեան պիտի չմնայ, եւ մեր ուժերը ապացուցեցին, որ խիստ եւ անմիջական կերպով պիտի հակադարձեն որեւէ յարձակումի», նշեց Իրանի արտաքին գործոց նախարարութեան բանբերը: