Միացեալ Նահանգներու նախագահ Տանըլտ Թրամփ «Աքսիոս» կայքին յայտնեց. «Իրանի հետ համաձայնութեան շուրջ բանակցեցայ պատերազմին համաշխարհային տնտեսական ճգնաժամի վերածուիլը կանխարգիլելու համար»:
«Իրանի հետ փոխըմբռնման վերջին յուշագիրը իրողութեան մէջ առանց նախապայմանի իրանեան անձնատուութիւն մըն է», յայտարարեց Թրամփ:
Իրանի խորհրդարանի նախագահ Մոհամետ Պաքեր Քալիպաֆ յայտնեց, որ փոխըմբռնման յուշագիրը դժուար ճամբու մը սկիզբն է, եւ անհրաժեշտ է իրանցի ժողովուրդին ու Դիմադրութեան շահերը պաշտպանել «խոստմնադրուժ թշնամիէն»:
Քալիպաֆ շեշտեց, որ Իրան հակառակորդ կողմին պիտի չարտօնէ իրանցի ժողովուրդին եւ Դիմադրութեան ճակատի իրաւունքները խաթարել` իր յանձնառութիւնները խախտելով եւ ուժի տրամաբանութիւնը կիրարկելով:
Ան զգուշացուց, որ եթէ թշնամին ջանայ իր չափազանցուած պահանջները պարտադրել, Իրան պատրաստ է խիստ կերպով հակադարձելու, եւ «մեր մատները բլթակին վրայ են»: