Ղազախստանի նախագահ Կասիմ-Ժոմարտ Տոկաևը շնորհավորական հեռագիր է հղել Հայաստանի վարչապետ Նիկոլ Փաշինյանին՝ վերջին խորհրդարանական ընտրություններում իր «Քաղաքացիական պայմանագիր» կուսակցության հաղթանակի կապակցությամբ, հաղորդում է «Ակորդա»-ն։
Պետության ղեկավարը նշել է արտասահմանյան փորձագետների կողմից ընտրական գործընթացի գնահատականները։
Միջազգային դիտորդների մեծ մասի նախնական տվյալների համաձայն՝ Հայաստանում ընտրություններն անցկացվել են երկրի գործող ընտրական օրենսդրությանը խիստ համապատասխան, բաց և քաղաքացիների կամքի ազատ արտահայտման համար բավարար պայմաններով։
Տոկաևը մաղթել է Փաշինյանին շարունակական հաջողություններ իր աշխատանքում և վերահաստատել է իր հանձնառությունը Աստանայի և Երևանի միջև երկկողմ կապերի ամրապնդմանը։
«Նախագահը նշել է, որ Ղազախստանը պատրաստ է շարունակել ակտիվ համագործակցությունը բարեկամ Հայաստանի հետ փոխադարձ հետաքրքրություն ներկայացնող բոլոր ոլորտներում», – ասվում է հայտարարության մեջ։