ԱՄՆ նախագահ Դոնալդ Թրամփը հույս է հայտնել, որ Իսրայելի և Լիբանանում գործող արմատական շիական «Հեզբոլլահ» շարժման միջև կնքված զինադադարը մշտական կլինի։ Նա այս մասին գրել է Truth Social-ում։
«Այսօր ես խոսեցի Իսրայելի վարչապետ Նեթանյահուի հետ և խնդրեցի նրան չանցկացնել խոշոր հարձակում Բեյրութի, Լիբանանի վրա։ Ես նաև խոսեցի «Հեզբոլլահ»-ի առաջնորդների ներկայացուցիչների հետ, և նրանք համաձայնեցին դադարեցնել Իսրայելի և նրա զինվորների վրա կրակելը։ Իսրայելը նույնպես համաձայնեց դադարեցնել նրանց վրա կրակելը։ Կտեսնենք, թե որքան կտևի սա, հուսով եմ՝ մշտական կլինի», – ասել է նա։