ԱՄՆ նախագահ Դոնալդ Թրամփը հայտարարել է, որ Վաշինգտոնը չի նախատեսում մեղմացնել Թեհրանի դեմ պատժամիջոցները մինչև երկկողմ համաձայնագրի կնքումը։
«Ես որևէ զիջման չեմ գնա մինչև նրանք համաձայնագիր չստորագրեն», – ասել է նա լրագրողներին Վաշինգտոնի մոտ գտնվող Էնդրյուսի ռազմաօդային բազայում։ «Ոչ, մենք ոչինչ չենք առաջարկել», – հավելել է Թրամփը։
Մայիսի 18-ին Tasnim լրատվական գործակալությունը, հղում անելով աղբյուրին, հաղորդել է, որ ԱՄՆ-ն համաձայնել է դադարեցնել իրանական նավթի նկատմամբ պատժամիջոցները Իրանի հետ բանակցությունների ընթացքում։