Կառավարական ճգնաժամը Մեծն Բրիտանիոյ մէջ կը խորանայ ժամ առ ժամ: Երէկ օրուան ընթացքին հրաժարական ներկայացուցած նախարարներուն թիւը հասաւ երեքի: «Պի.Պի.Սի.»-ի տեղեկութիւններով` յառաջիկայ ժամերուն Քիր Սթարմըրի գլխաւորած կառավարութեան անդամներէն եւս մի քանին պիտի յայտարարեն իրենց հրաժարականները:
Վարչապետ Սթարմըրին անյապաղ հրաժարական ներկայացնելու պահանջով դիմած են նաեւ խորհրդարանի աշխատաւորական պատգամաւորներէն 81-ը: