The Athletic պարբերականը հոդված է հրապարակել Մադրիդի «Ռեալում» տիրող իրավիճակի մասին։ Մայիսի 11-ի հրապարակման մեջ հեղինակներն անդրադարձել են Ժոզե Մոուրինյուի՝ որպես գլխավոր մարզիչ «Սանտյագո Բեռնաբեու» հնարավոր վերադարձին, ինչպես նաև թիմի կազմի վերակառուցման ծրագրերին։
Մասնավորապես, նշվում է հինգ ֆուտբոլիստի անուն, որոնք ամառային տրանսֆերային պատուհանի ընթացքում կարող են հեռանալ մադրիդյան ակումբից։
Սպասվում է, որ Դավիդ Ալաբան կհեռանա ազատ գործակալի կարգավիճակով։ Անորոշ է մնում Դանի Կարվախալի և Անտոնիո Ռուդիգերի ապագան, քանի որ նրանց պայմանագրերի ժամկետները նույնպես լրանում են հունիսի վերջին։
«Ռեալը» դիտարկում է նաև ռոտացիայի խաղացողներ Դանի Սեբալյոսի և Գոնսալո Գարսիայի վաճառքի հնարավորությունը։