Իսպանիայի վարչապետ Պեդրո Սանչեսի ինքնաթիռը, որը մեկնում էր դեպի Երևան, արտակարգ վայրէջք է կատարել Անկարայում՝ տեխնիկական խնդրի պատճառով, հաղորդել է թուրքական NTV հեռուստաալիքը։
«Ինքնաթիռը արտակարգ վայրէջք է կատարել Անկարայում՝ տեխնիկական խնդիրների պատճառով», – հաղորդել է հեռուստաալիքը։
Հեռուստաալիքի տվյալներով՝ ինքնաթիռում էր գտնվում Իսպանիայի վարչապետը, որը Մադրիդից ուղևորվում էր Երևան՝ Եվրոպական քաղաքական համայնքի նիստին մասնակցելու համար։
Խափանումը լուրջ չի համարվում, սակայն վայրէջքի որոշումը կայացվել է անվտանգության կանոնակարգերին համապատասխան։
Հաղորդվում է, որ Սանչեսը առավոտյան կմեկնի Երևան։