Սերբական ֆուտբոլի գլխավոր հակամարտությունը՝ բելգրադյան դերբին, ավարտվել է «Ցրվենա Զվեզդայի» հաղթանակով։ Առաջնության 33-րդ տուրի շրջանակներում թիմը 3:0 հաշվով հաղթել է իր հավերժական մրցակից «Պարտիզանին» և մրցաշրջանի ավարտից չորս տուր առաջ պաշտոնապես ապահովել երկրի չեմպիոնի կոչումը։
Այս նվաճումն առանձնահատուկ էր գլխավոր մարզիչ Դեյան Ստանկովիչի համար։ Մասնագետը, ով 2024 թվականի մայիսից գլխավորում էր Մոսկվայի «Սպարտակը» և թիմից հեռացել էր ձմեռային դադարի ժամանակ, ստանձնեց սերբական ակումբի ղեկն ամենաբարդ փուլում. այդ ժամանակ թիմը մեկ միավորով զիջում էր «Պարտիզանին»։ Սակայն մարզչական ճիշտ մոտեցման շնորհիվ պատկերը փոխվեց. այժմ «Ցրվենա Զվեզդան» իր ակտիվում ունի 82 միավոր՝ անհասանելի 17 միավորով առաջ լինելով երկրորդ հորիզոնականում ընթացող «Պարտիզանից»։
Չեմպիոնական այս հանդիպմանն իր մասնակցությունն է ունեցել նաև Հայաստանի ազգային ընտրանու պաշտպան Նաիր Թիկնիզյանը, ով խաղադաշտ է մտել հանդիպման 89-րդ րոպեին։ 26-ամյա ֆուտբոլիստի համար սա առաջին նվաճումն էր սերբական թիմի կազմում։
Սա բելգրադյան ակումբի պատմության մեջ 37-րդ չեմպիոնությունն է և 9-րդը անընդմեջ։