Լիբանանի պասքեթպոլի տղոց ազգային խումբը բաւական բացակայ մարզիկներով մեկնած էր Սուրիա` մասնակցելու մայրաքաղաք Դամասկոսի մէջ «Ֆայհաա» վերանորոգուած մարզադաշտին բացման բարեկամական մրցումին` Սուրիոյ ազգային խումբին դէմ:
Լիբանան վստահաբար մակարդակով շատ աւելի բարձր էր, ան նոյնիսկ մեծ մասամբ պահեստի մարզիկներով կրցաւ յաղթել առաջին մասին` 34-19, Բ. մասին` 31-20, Գ. մասին 25-20 եւ վերջին մասին `20-14, իսկ վերջնական` 110-73 արդիւնքով:
Եուսեֆ Խայյաթ մօտ 22 վայրկեան խաղցաւ նշանակելով 17 կէտ, 10 ռիպաունտ եւ 7 էսիսթ, մինչ Ճօ Ապու Սամրա քիչ մը աւելի երկար մասնակցելու` 17 կէտ ձեռք ձգելով:
Իսմայէլ Ահմետ առաջին անգամ ըլլալով կրեց Լիբանանի ազգային խումբին շապիկը` 50 տարեկան չեղած: Արդէն Ահմետ 20 տարեկանէն Լիբանան կը գտնուի, երբ 1996-ին միացած էր Ռոզերի, որմէ ետք Սաժեսի, Ռիատիի, ապա վերստին Եգիպտոս մեկնած էր Իթթիհատ Իսքանտարի խումբ, եւ վերստին Լիբանան` Շանվիլի, Ռիատիի, ՀՄԸՄ-ի եւ 2018-էն ի վեր Ռիատիի հետ` կարճ ժամանակ Իթթիհատին վերջին միանալէ ետք:
Սումասս 14 վայրկեան խաղցաւ` նշանակելով 13 կէտ եւ կատարելով 2 պլոք, Ժերար Հատիտեան (11 կէտ), Ամիր Սէուտ (9 կէտ եւ 7 էսիսթ), Մարք Խուրի (9 կէտ), Օմար Ժամալ (8 կէտ), Ժատ Խալիլ (7 կէտ), Ժորժ-Իվ Տաապուլ (7 կէտ), Պիլալ Թապպարա (6 կէտ), Ժան-Լիւք Մախլուֆ (3 կէտ, 7 ռիպաունտ) եւ Անթոնի Նապաա (3 կէտ) մասնակցեցան Սուրիոյ դէմ մրցումին:
Յոյսով, որ լիբանանեան պասքեթպոլն ալ վերադառնայ, եւ համակիրները վերստին մարզական մթնոլորտին միանան ապահովական անհամ վիճակէն դուրս գալով` աւելի կայուն վիճակի հաստատումէն ետք: