Այսօր Սէուտական Արաբիոյ մէջ Նասր պիտի հիւրընկալէ Տոհայի Ահլին, Ասիոյ «Չեմփիընզ լիկ 2» մրցաշարքի կիսաւարտականի երթի մրցումին:
Քրիսթիանօ Ռոնալտոյի Նասր ակումբը պիտի փորձէ քառորդ աւարտականին նման հանգիստ յաղթանակ մը արձանագրել Ահլիի դէմ դարձի մրցումէն առաջ:
Նասր 4-0 արդիւնքով յաղթած էր Արաբական Միացեալ Էմիրութիւններու Ուասլ ակումբին 4-0 արդիւնքով, ուր փորթուգալցի պատմական աստղը իր ասպարէզի 969-րդ կոլը նշանակեց: Մնացեալ 3 կոլերը նշանակեցին Ինիկօ Մարթինես, Ապտուլելահ Ամրի եւ Սատիօ Մանէ:
Ահլի իր կարգին քառորդ աւարտականին 3-1 արդիւնքով դուրս ձգած էր Յորդանանի Հիւսէյն ակումբը` շնորհիւ սպանացի Էրիք Էսփոսիթայի, Եուլիան Տրաքսլըրի եւ Միշել Վլափի կոլերուն:
Նշենք, որ աւարտական մրցումի իր տոմսը արդէն իսկ ապահոված է Ճափոնի Կամպա Օզաքա խումբը, որ կիսաւարտականին դուրս ձգած էր Պանքոք Եունայթըտը 3-1 երկու մրցումներու արդիւնքով (3-0 եւ 0-1):