Արդեն մի քանի օր է՝ ԱՊՀ անդամ երկրների պատվիրակությունները, որոնց կազմում պետական, հասարակական ու մշակույթի գործիչներ են, Սյունիքում են։ Այս տարի Մեղրին ճանաչվել է ԱՊՀ մշակութային մայրաքաղաք։ Մինչև նոյեմբեր բազմաթիվ միջոցառումներ են նախատեսված։
Մեղրին տոնական եռուզեռի մեջ է։ Պաշտոնապես մեկնարկել են «Մեղրին՝ ԱՊՀ մշակութային մայրաքաղաք» ծրագրի միջոցառումները։ Ծրագիրը գործում է 2011 թվականից։ Մեղրին ՀՀ երրորդ քաղաքն է, որին շնորհվել է այդ կարգավիճակը․ Գյումրին ԱՊՀ մշակութային մայրաքաղաք էր ընտրվել 2013 թվականին, իսկ Գորիսը՝ 2018-ին։
Նախ՝ ծառատունկ՝ Մեղրիի մանկապարտեզի տարածքում ու պուրակի հիմնում։ Այնուհետև ԱՊՀ երկրների պատվիրակները ծանոթանում են քաղաքի տեսարժան վայրերին, պատմամշակութային կոթողներին։ Մեղրին ԱՊՀ մշակութային մայրաքաղաք էր ճանաչվել Տաջիկստանի մայրաքաղաք Դուշանբեում։ Այդ երկրի մշակույթի նախարարի տեղակալ Ֆարիդուն Բոբոզոդան պատմում է իր տպավորությունների մասին․