ԱՄՆ նախագահ Դոնալդ Թրամփն այսօր՝ ապրիլի 16-ին, հայտարարել է, որ Իսրայելը և Լիբանանը համաձայնության են եկել 10-օրյա հրադադար հաստատելու հարցում:
Հրադադարն ուժի մեջ է մտնում այսօր՝ ապրիլի 16-ին:
Թրամփը նշել է, որ «գերազանց» հեռախոսազրույցներ է ունեցել Իսրայելի վարչապետ Բենիամին Նեթանյահուի և Լիբանանի նախագահ Ժոզեֆ Աունի հետ:
«Երկու առաջնորդները պայմանավորվեցին, որ իրենց երկրների միջև խաղաղության հասնելու համար պաշտոնապես կհայտարարեն 10-օրյա հրադադար», — ասել է Թրամփը։
Ապրիլի 14-ին ԱՄՆ-ում ավելի քան երեսուն տարվա ընդմիջումից հետո տեղի էին ունեցել իսրայելցի և լիբանանցի դիվանագետների միջև ուղիղ բանակցություններ։
ԱՄՆ պետքարտուղար Մարկո Ռուբիոն այն գնահատել էր որպես «պատմական հնարավորություն»։
Կողմերը համաձայնել էին շարունակել բանակցությունները, Լիբանանը՝ հրադադարի, իսկ Իսրայելը «Հեզբոլլահին» զինաթափվելու կոչ էր արել։
Լիբանանը և Իսրայելը պաշտոնապես գտնվում են պատերազմական վիճակում, և այդ երկրների միջև չկան դիվանագիտական հարաբերություններ։
Լիբանանը պաշտոնապես չի ճանաչում Իսրայել պետությունը։