15 ապրիլի 2026 – 12:08 AMT
PanARMENIAN.Net – ԱՄՆ-ում ՀՀ դեսպան Նարեկ Մկրտչյանը մասնակցել է կլոր սեղանի քննարկմանն ԱՄՆ հեղինակավոր RAND կորպորացիայի Վաշինգտոնի գրասենյակում, որտեղ ներգրավված են եղել կազմակերպության հետազոտողները և RAND հանրային քաղաքականության դպրոցի ուսանողները։
Դիտարկվել է RAND կորպորացիայի կողմից ՀՀ-ԱՄՆ ոլորտային համագործակցությունների շուրջ հետազոտություններ իրականացնելու հնարավորությունը:
Դեսպանը ներկայացրել է ՀՀ-ԱՄՆ համագործակցության օրակարգը՝ անդրադառնալով արդեն ստորագրված հուշագրերին և մանրամասնելով արհեստական բանականության, կիսահաղորդիչների և էներգետիկ անվտանգության հետ կապված ուղղությունները։
Դեսպանն անդրադարձել է նաև երկկողմ կապերի ընդլայնման հեռանկարներին և տարբեր ոլորտներում առկա հնարավորություններին, պատասխանել է ներկաների հարցերին և լսել նրանց կարծիքները։
Ավելի վաղ դեսպան Մկրտչյանը հանդես է եկել նաև բանախոսությամբ RAND կորպորացիայի կենտրոնակայանում։