Ապրիլի 8-ին Ադրբեջանի նախագահ Իլհամ Ալիևն ընդունել է Ղազախստանի արտաքին գործերի նախարար Երմեկ Կոշերբաևին և տրանսպորտի նախարար Նուրլան Սաուրանբաևին: Այս մասին հայտնում է ԱՊԱ գործակալությունը։
Հանդիպմանը գոհունակությամբ նշվել է, որ Ադրբեջանի և Ղազախստանի միջև հարաբերությունները հաջողությամբ զարգանում են բազմաթիվ ոլորտներում, այդ թվում՝ քաղաքական, տնտեսական, տրանսպորտային, լոգիստիկ, ներդրումային, էներգետիկ, կանաչ էներգիայի և այլ ոլորտներում, և ընդգծվել է համագործակցության հետագա ընդլայնման հնարավորությունների առկայությունը։
Զրույցի ընթացքում քննարկվել են Միջին միջանցքի, Անդրկասպյան կանաչ էներգիայի միջանցքի և օպտիկամանրաթելային մալուխային նախագծերը՝ ընդգծելով Ադրբեջանի և Ղազախստանի հաջող համագործակցությունը այդ շրջանակներում։
Նշվել է Հայաստանի և Ադրբեջանի միջև հարաբերությունների կարգավորման գործընթացի, ինչպես նաև TRIPP նախագծի դերը, որը կանցնի Հայաստանով, տարածաշրջանային համագործակցության և տրանսպորտային կապի առումով։