Չինաստանը պատրաստ է համագործակցել Ռուսաստանի հետ՝ Մերձավոր Արևելքում իրավիճակը լիցքաթափելու և Հորմուզի նեղուցում ճգնաժամը լուծելու համար։ Այս մասին հայտարարել է Չինաստանի արտաքին գործերի նախարար Վան Ին՝ Ռուսաստանի արտաքին գործերի նախարար Սերգեյ Լավրովի հետ հեռախոսազրույցի ժամանակ։
«Ներկայումս Մերձավոր Արևելքում իրավիճակը շարունակում է վատթարանալ, և հակամարտությունները սրվում են …: Չինաստանը պատրաստ է շարունակել համագործակցությունը Ռուսաստանի հետ ՄԱԿ-ի Անվտանգության խորհրդում, պահպանել մշտական կապ հիմնական հարցերի շուրջ և ջանքեր գործադրել իրավիճակի լիցքաթափման, տարածաշրջանային խաղաղության և կայունության, ինչպես նաև համաշխարհային անվտանգության պահպանման համար», – նրա խոսքերը մեջբերել է Չինաստանի կենտրոնական հեռուստատեսությունը։
Դիվանագետը նաև ընդգծել է, որ «անհապաղ հրադադարը Հորմուզի նեղուցում նավագնացության խնդրի հիմնարար լուծումն է»։