ԱՄՆ պետքարտուղար Մարկո Ռուբիոն, խոսելով Պետդումայի պատվիրակության Վաշինգտոն կատարած այցի մասին, ընդգծել է երկու երկրների միջև երկխոսությունը պահպանելու անհրաժեշտությունը։
«Ռուսաստանը մնում է հզոր միջուկային տերություն, և միջուկային տերությունների համար կարևոր է պահպանել փոխգործակցությունը կառավարական մակարդակով, ինչպես որ մենք անում ենք դիվանագիտական մակարդակով», – ասել է Ռուբիոն Ֆրանսիայում G7-ի արտաքին գործերի նախարարների հանդիպումից հետո լրագրողների հետ զրույցում։
ԱՄՆ պետքարտուղարը նշել է, որ ռուսական պատվիրակության այցը «նախապես պլանավորված էր», և միայն այն անդամները, ովքեր թույլտվություն ստացան ԱՄՆ ղեկավարությունից, կարողացան մեկնել ԱՄՆ։ «Ես սա էական զիջում չեմ համարում», – ընդգծել է Ռուբիոն։