Ռուսաստանն ապրիլի 1-ից նախատեսում է արգելել բենզինի արտահանումը․ գրում է ТАСС-ը։
Ըստ աղբյուրի՝ ՌԴ փոխվարչապետ Ալեքսանդր Նովակն Էներգետիկայի նախարարությանն արդեն իսկ հանձնարարել է պատրաստել համապատասխան որոշման նախագիծ։
Ըստ երևույթին՝ արգելքը կտարածվի բենզինի արտահանմամբ զբաղվող բոլոր ընկերությունների ու անհատ ձեռներեցների վրա։
«Այն կգործի ժամանակավորապես՝ ներքին շուկայում վառելիքի գների կայունացման և ներքին պահանջարկի ապահովման կայունացման համար։ Ենթադրվում է՝ սահմանափակումն ուժի մեջ կլինի մինչև հուլիսի վերջ»,- նշում է աղբյուրը։