ՆԱՏՕ-ի գլխավոր քարտուղար Մարկ Ռյուտեն ներկայացրել է կառույցի 2025 թվականի տարեվերջյան զեկույցը, որում մեծ նշանակություն է տրվում Հարավային Կովկասին՝ որպես դաշինքի անվտանգության համար կարևորագույն նշանակություն ունեցող տարածաշրջանի, հայտնում է Առաջին լրատվական ալիքը։
Գլխավոր քարտուղարը վստահեցրել է, որ դաշինքը հանձնառու է խորացնելու երկխոսությունն ու համագործակցությունը Հայաստանի եւ Ադրբեջանի հետ։
Զեկույցում ընդգծվում է նաև Ադրբեջանի ակտիվ մասնակցությունը «Գործընկերություն հանուն խաղաղության» ծրագրին և գործընկեր երկրների հետ փորձի փոխանակումը՝ պաշտպանական կրթության բարելավման ծրագրի միջոցով։
Ինչ վերաբերում է Վրաստանին, ապա 2024 թվականի խորհրդարանի ընտրությունից հետո ՆԱՏՕ-ն վերանայել է համագործակցության առաջնահերթությունները։ Չնայած որոշ ծրագրեր վերափոխվել են՝ ռազմական ոլորտում փոխգործակցությունը շարունակվել է:
Զեկույցում նշվում է, որ Թբիլիսիում գործող ՆԱՏՕ-ի կապի գրասենյակը շարունակում է ակտիվ աշխատանքը տարածաշրջանի բոլոր երեք գործընկերոջ հետ։